「岩石胸」趙碩之（Wylie）早前與大名娛樂因合約問題而鬧得滿城風雨，她在上星期二出席活動時，更表示開始自己接工作。日前，她在網誌上載多張吸睛泳衣照晒D cup，又自爆減磅成功，難怪五官及輪廓即時變sharp，不過卻忽然與「無綫咪神」、擁34C上圍的梁政珏變得有「姊妹相」，見二人面尖鼻高，三七面更如同餅印一樣，加上同樣愛晒四吋事業線，似足兩姊妹！
Wylie接受電話訪問時，就透露自己接得入行以來首個比堅尼騷，更穩袋六位數字收入，她說：「第一次自己接job就有六位數酬勞，係近期收入最高嘅job，我自己都好開心！雖然以前影寫真時，都有着過比堅尼，不過今次係我第一次行泳衣騷，要着五套比堅尼，都有少少緊張。（特別修身作準備？）我都好重視個騷，所以自己都有刻意keep fit減肥，專登食少啲，唔想有肚腩。（再接同類型騷？）會啊！本身我唔介意行比堅尼騷，趁住依家夏天都想接多啲類似嘅job。」
文：專案組