陳錦鴻父親節童畫冧爆
昨日是父親節，不少藝人均藉佳節頌揚父愛，已為人父的陳錦鴻與張達明感受更深。為照顧自閉症兒子停工一年的陳錦鴻，收到愛兒親手畫的iPad套，非常窩心。至於因治癌而體內金屬超標的張達明，發現女兒為繪畫父親節卡而先畫烏龜草圖，認真甜到入心！
陳錦鴻為照顧患有自閉症的兒子陳駕樺，早前曾停工一年，經過一年的無私付出加愛心照料後，駕樺情況終告改善，錦鴻亦宣布正式「復工」。昨日他身在蘇州拍攝劇集《春天的絞刑架》，演繹奸角亦不介意，只求積極搵銀，養育寶貝仔，雖然他無法與兒子慶祝父親節，但仍獲駕樺親手繪製的愛心iPad套，陳錦鴻窩心說：「我今朝同佢傾咗電話，自閉症唔能夠耐心聽人講，我要keep住日日同佢傾至得，我個仔依家情況好好，9月升小學，為咗彌補父親節陪唔到佢，我拍到7月會返去，到時日日陪佢。（自責？）要搵錢有乜辦法？個仔返小學都要交書簿費。」
讚囡囡人才
陳錦鴻繼早前父子檔為協康會拍廣告，呼籲正視自閉症後，書展期間將推由太太杜雯惠執筆，記述他與兒子相處點滴的新書《等着和你聊聊天》，插圖更會由駕樺繪畫，一家三口齊齊帶出正面訊息，陳錦鴻說：「唔只我一個，太太都付出好多照顧個仔，希望本書對有需要者帶來幫助。（帶囝囝去書展？）上次帶佢去公開場合，佢跑來跑去，我怕書展多人控制唔到。」而杜雯惠亦不時在微博上載與兒子手挽手、駕樺為她製作愛心相架等照片，鼓勵其他自閉症兒童家長。
《聖經》說：「智慧之子使父親歡樂」，康復中的張達明上載女兒繪畫的父親節卡烏龜草圖，他寫道：「女兒實係個人才，畫一張父親節卡都先做份企劃筆記！感動、佩服。」達明昨日在電話中說：「個女可能覺得父親辛苦，所以構思呢幅畫，唔只我，可能佢覺得天下間嘅父親都為屋企付出咗好多。我個女之前運動會攞銀牌，個仔中英文全級第一，兩個都好好，我都好開心！」
文：影視組