黎漢持肺炎病逝 享年62歲
繼蘇杏璇逝世後，另一資深演員黎漢持日前急性肺炎在港病逝，終年62歲，他於80年代活躍於電視圈，向來對風水命理甚有研究。他先後為麗的、亞視及無綫拍劇，最為人熟悉是在1981年劇集《大俠霍元甲》中飾演投敵賣友的反派龍海生。90年代後他拍下不少無綫劇，包括94年與鄭少秋合作《笑看風雲》及在《射鵰英雄傳》中演一燈大師，05年他短暫復出跟林峯及吳卓羲拍攝《大唐雙龍傳》。
前年在家吐血
90年代中期的他一度淡出娛樂圈移民加拿大，至近年回流返港，惟命途不太暢順，父母及妻子先後離世，前年他突然在家吐血五日暴瘦20磅，其後靠每日打坐練氣令體重回升。
今年黎漢持復出拍攝電影《迷離夜》、《奇幻夜》其中一個故事，三月時出席電影記者會，當時他身形瘦削，但精神尚可。
米雪曾與黎漢持合作《大》劇，稱得上識於微時，得知死訊後相當難過，並大讚其為人：「佢好樂於助人，肯免費幫人氣功醫病，對上見佢係年幾前，見佢已經好瘦，佢有講唔舒服，真係好可惜，會打畀佢家人慰問。」其波友黃日華昨晚亦在微博悼念他。
另鮑起靜於80年代曾與黎漢持合作，而且份屬中學校友，對其死訊大感愕然：「知佢兩公婆感情要好，佢太太早年過咗身，唔知有冇關，佢近年都瘦晒。」
斑斑曾於黎漢持合作亞視劇《再向虎山行》，她表示契姐跟黎的家人相熟，感慨近日連番收到朋友死訊：「做人好化，但人係要經歷生老病死，佢有嚟過我酒樓飲茶，但近期少咗接觸，會關注佢身後事，會盡力幫手。」
文：影視組