蘇杏璇病逝 偉仔哀悼：永遠懷念
受盡糖尿病纏擾的蘇杏璇因中風後遺症，昨午四時許於伊利沙伯醫院病逝，其兒子指她去世時很安詳。一班曾與蘇杏璇共事的圈中好友亦深表難過，多次與她飾母子的梁朝偉更稱：「佢永遠活在我心裏。」
一直受糖尿病困擾的蘇杏璇昨日於伊利沙伯醫院病逝，享年62歲。之前她右腳潰爛，做過多次手術，要切除其中一隻腳趾及腳底的爛肉。據知，她除了患有糖尿病外，之後亦輕微中風，肚內更生了一個瘤，受盡病魔折磨。
兒子：媽咪冇遺憾
蘇杏璇兒子昨晚八時許在醫院向傳媒交代母親逝世消息：「媽咪喺下午四點幾離開咗呢個世界，好安詳，亦會以佛教儀式處理媽咪最後一程。」他透露母親是因中風併發症而過身：「詳情要等醫生去講，我想講媽咪去得好安詳，幾乎最重要嘅家人都喺身邊，所以媽咪冇遺憾。」而蘇杏璇老公許成彪約八時半到院，見他神情平淡，不時用手掩口。
與蘇杏璇一直有聯絡的羅蘭及余慕蓮，昨日親證蘇杏璇逝世消息。余慕蓮接受電話訪問時稱：「之前佢中過風，個肚又有個腫瘤。不過最慘佢有貧血，身體都好弱，醫生都唔敢同佢做手術。」羅蘭亦對好友離世甚為難過，她坦言從陳美琪口中得知消息：「我星期日上咗佢屋企，講到嘢，都有叫我羅蘭姐。」問知否蘇杏璇有何遺願？她稱：「唔知。」
善心畫上完美句號
曾於經典劇《新紮師兄》與蘇杏璇飾演母子的梁朝偉，得知對方死訊後大表難過：「我同璇姐都係佛教徒，希望璇姐早登極樂世界，永遠懷念同佢一齊共事嘅緣分。」其妻劉嘉玲亦稱：「璇姐係一個溫順、與世無爭嘅演員，對工作認真、對同行善心、關愛，希望佢早登極樂，佢永遠活在我心裏。」而蘇杏璇遺作《奪命金》導演杜琪峯表示，幾個月前才跟她吃飯，他坦言消息都來得太突然：「畢竟人生到最後總要畫上句號。除咗佢出色演技外，佢嘅慈悲善心為佢嘅一生畫上完美句號。」
文：影視組