阿叻通行無阻沙灘晒腳法

陳百祥及李思雅為月中揭幕的洲際國家盃拍攝前奏特輯，率攝製隊遠赴巴西，而阿叻更於拍攝期間落場玩沙灘足球展腳法，他昨日凌晨在電話中說：「我哋嚟咗巴西三日，去咗好多球場拍攝，咁大隊crew過到嚟，除咗拍前奏特輯外，仲會拍啲片畀《東張西望》、《體育世界》播，我哋算係前期嘅先頭部隊，會介紹球場同當地交通。」

阿叻表示拍攝直到６月13日才會離開，趕返香港講洲際國家盃巴西對日本場波。已是第二次到巴西的阿叻，笑言會與成班攝製隊四圍覓食。

阿叻與李思雅於巴西的沙灘上踢足球展腳法。

阿叻與李思雅到耶穌像參觀，指最能代表巴西人生活。

球場改建變先進

阿叻又大讚無綫面子夠，他說：「無綫攞咗世盃同洲際國家盃播映權，我哋嚟到巴西有晒permit，有專人帶我哋入球場拍攝，好多地方閒雜人等唔入得o架！最深印象去馬拉簡拿球場，改建到好有歐洲頂級球場水準，好靚，設備好先進，我哋又去咗耶穌像參觀，因為最能代表巴西人生活。（除咗李思雅，仲有邊啲女主持？）係得李思雅一個咋！黃杏秀都有去巴西，佢係我梳頭、化妝同服裝指導。」

文：影視組