李玟向夫坦白認整容
歌手李玟（CoCo）出道至今一直被指整容變臉，惟她只承認曾割雙眼皮，前晚她出席活動時再被追問整容一事，默認除割了雙眼皮外，鼻子和面部亦有動過「手腳」，但並非動刀，還直言年紀再大，不介意「修補」下垂的胸部。
TOPSHOP首間大中華旗艦店前晚舉行開幕慶祝晚宴及派對，不少名人明星前來朝聖，包括荷里活女星露絲麥高雲（Rose McGowan）、名媛薛芷倫、張天愛女兒邢嘉倩、林子祥兒子林德信、Janice Man、名模琦琦、馬詩慧及女兒、Amanda S.及Mandy Lieu等，當中Amanda及Mandy均性感上陣，大派冰淇淋。
唔好整到似怪物
身穿白色套裝的CoCo偕夫婿Bruce恩愛現身，CoCo大讚Rose McGowan身材正斗，很興奮能跟對方見面，記者笑言會否不准老公「（目及）」她？CoCo笑說：「佢咁靚，唔止男仔，女仔都想望佢啦！」提到早前的整容報道，CoCo說：「我可以發誓，除咗（割雙）眼皮之外，其他部位都冇動過刀。其實我覺得不論美國或者台灣，好多女仔都會整啲啲，只要能夠增加信心係OK嘅，最緊要唔好整到怪物咁。（你個鼻係咪整過形？）唔好提喇。（咁會唔會打botox？）我唔會反對，如果遲啲有需要都會試。（即係暫時未試過？）唔好講喇。（會唔會隆胸？）依家唔會，我都考慮過如果老咗胸部下垂都會，不過我都係得個講字，始終有啲驚，我有同老公講過整容嘅事，我太坦白喇，又唔想講大話。」言下之意是默認其他部位也有整容！
露絲意欲居香港
而荷里活女星露絲麥高雲偕男友Davey Detail恩愛前來，她是第二次來香港，是次會逗留十天，已率先外出品嘗美食及購物，又大讚很喜歡香港，問到可會來港居住？露絲笑說：「我都想，不過唔知喺洛杉磯啲狗仔點樣運過嚟。（今次仲有其他嘢做？）我男朋友係藝術家，佢啱啱喺香港有展覽，所以會去參與。」
文：名人組