陳妍希慶生飯局唔預古仔
「宅男女神」陳妍希昨日出席飲品代言人活動，穿上綠色背心裙的她難抵酷熱天氣，結果腋下出汗兼露出雙面膠紙，認真狼狽，談到於生日正日與「正版紅姑」鍾楚紅一同出席活動，妍希不諱言是最好的生日禮物，還大讚對方人好之餘，又靚又性感，對於紅姑亦讚她有氣質，妍希笑不攏嘴謂：「佢都係super有氣質同靚女！（覺唔覺得似樣？）少少，每次有人同我講都會打從心底好開心。」
將於今日離港的她，表示是晚將與同學林德信及工作人員食飯慶祝，問到緋聞男友古天樂（古仔）可會到場？妍希表示不會。另外，對於有指其前男友因涉及藏毒坐監，妍希謂：「對方唔係圈內人，唔希望自己事打擾到佢，（首歌係咪寫畀佢？）係將自己故事寫出來，多謝佢哋陪我度過那些時光，冇話寫畀邊個，（你喺台灣節目話有拍拖！）我係話呢幾年都有拍拖，只不過感情事自己知就得，但我依家單身。」