徐子珊慢吞吞 着5吋鞋搵人扶
日前穿高跟鞋拍劇時不慎跌倒，導致尾龍骨受傷的徐子珊，休息不久便復工。由於傷患未復原，她出席活動時行動明顯緩慢兼小心，並由兩名助手攙扶。雖經歷如此大的創傷，但所謂「愛靚唔愛命」，她前晚仍然穿着5吋高跟鞋，女人認真唔易做！
無綫藝人徐子珊前晚以超deep V紅色裙子出席活動，中門大開非常性感，她表示已做足安全措施防走光。記者指她心口露出胸懷大「痣」，她搞笑地說：「佢間唔中都會出嚟同大家say個hi！」其他出席嘉賓還有藝人方中信、名模陳嘉容、「警鐘胸」Jessica C.、歌手陳柏宇、香港時尚作家Janice Wong、黃偉文等。
不會放棄高跟鞋
子珊早前穿高跟鞋不慎跌倒而弄傷「大陣」尾龍骨，傷患未復原，前晚又再穿5吋高跟鞋示人，因此行步路也十分緩慢，要兩個助手扶住行。
子珊表示復工已幾天，：「第一日仲好痛，第二日彎腰都痛，到依家大動作都唔得。大家（劇組）對我好好，入廠拍嘢即刻拉開晒啲電線。」雖然已接受物理治療，但仍需睇骨科醫治。雖然經歷過如此大的創傷，但她堅持不會放棄穿高跟鞋：「女仔好難唔着嘅，不過身體係要緊。」弄傷尾龍骨可大可小，問到會否怕對日後生育有影響？她坦言：「未諗到咁嚴重，每日都要開工冇時間，其實我驚睇專科，我怕痛！（未好番仲咁快拍劇、出活動？）工作預先安排咗，唔想改。」
黃宗澤恨買複式
同場的黃宗澤對於有傳與無綫女藝員林穎彤撻着，他表示報道出街後沒有致電對方談論此事，他覺得這都是炒作新聞：「新聞講吓笑，大家煲吓水。」對於苑瓊丹踢爆林峯一套劇收過千萬元酬勞，他直言：「我冇咁多，唔好講錢，我睇劇本而決定。」談及食肆的生意，他表示已物色到舖位，但始終租金仍高昂，要細心選擇。
他透露現有六、七個劇本在手上，由於工作時間難安排，不會全部都接拍，他又坦言希望盡快賺到錢買複式居所。
文：名人組