李蕙敏紅館夢不滅
每人都有夢想，香港有9優狀元棄高薪做巴士司機，日本有八旬老翁成功攀上全球第一高峰「珠穆朗瑪峰」，你還記得自己的夢想嗎？王馨平自小已想做歌手，即使夢想成真，仍努力苦練唱功，絕對是追夢的好榜樣！而現忙於設計時裝的李蕙敏，仍希望一償心願於紅館開騷！
李蕙敏
「想喺紅館開個人演唱會，又想搞時裝生意開舖，依家都行出第一步，一路有幫人設計時裝，而且個客好欣賞我嘅設計。」
王馨平
「細個夢想係唱歌，依家已經達成咗，但我都好努力跟老師學唱歌，增值自己，希望做得更好。」
谷祖琳
「好希望做導演，依家仲努力中。呢幾年經歷咗好多事，想拍一啲嚴肅啲嘅題材電影，不過我仲未好了解人生，將會上個New Age課程。」
藝人陳鈺芸
「好想同國際巨星好似成龍同偶像安祖蓮娜祖莉合作，安祖蓮娜勇敢又善良，仲有人話我外形有啲似佢，一樣係打女！」
陸詩韻
「想搞啲小生意，唔係為咗賺好多錢，純粹為興趣，依家做緊貿易生意，但最想搞美容扮靚生意。」
關寶慧
「想60歲前環遊全世界，希望用三年時間去享受人生。」
歌手姜麗文
「3歲已經希望做歌手，雖然夢想成真咗，但依家希望再多啲人識，亦想做演員拍劇。」