吳千語包糉唔益林峯

藝人吳千語昨日出席煤氣公司「萬糭同心為公益」活動，首次包糉的她坦言自己甚少下廚，平日喜歡吃多過煮。問到男友林峯可曾為她下廚？她回應：「未有機會，唔係成日見。（會唔會整糭畀林峯食？）如果真係整都畀家人試先，今日見到咁多家庭喺度，覺得好warm。」她表示因工作繁重，該不會與林峯一同過端午節。

吳千語不擔心與林峯少見面令感情變淡，她表示現在工作要緊。

問到有傳林峯將離開無綫一事，她表示：「佢冇同我講呢啲，佢依家做嘢開心。（佢收超過二千萬幫now拍內地劇喎！）工作都係由公司安排，公司都知，依家都就快開劇啦。（你哋無所不談？）比較少啲傾，因為大家好忙，休息時間都唔多。」問到公司有否安排她與林峯合作？她表示應該沒有，但若公司安排，自己亦不介意合作。

另外，她坦言不擔心二人因聚少離多而導致感情疏遠，並說：「現階段工作好重要。（有咩方法箍實林峯？）大家畀大家空間，有共識一齊努力。（內地女仔好主動喎。）我自己都有去內地拍，好正常，做嘢啫。（信得過佢？）一定。」

名人組