鮑姐嫁女方中信做布景

影后鮑起靜（鮑姐）與方平的女兒方之樺，與男友麥浩雲結束十四年愛情長跑，昨日在香港四季酒店筵開廿多席婚宴。方平與鮑姐圈中地位德高望重，獲不少好友前來到賀，包括錢嘉樂夫婦、陳煒、薛凱琪、江美儀、爾冬陞、施南生、方中信夫婦等，方中信女兒更擔任花女之一，開心得全晚滿場飛，方中信亦不輸蝕深受賓客歡迎，不時被邀請合照做人肉布景板。榮升外母的鮑姐難掩興奮之情，直言被女兒結婚過程感動得流淚，她說：「佢哋之後會去英國居住，我同咗女婿講將個女交畀佢，託佢好好照顧，祝佢哋幸福。」
鮑起靜與方平嫁女，鮑姐表示感動到流淚。
鮑起靜與方平嫁女，鮑姐表示感動到流淚。

問到是否恨抱孫，鮑姐笑到見牙唔見眼說：「雙方家長有催，但知佢哋有計劃會喺一、兩年後先生，我都無問題。（想要男孫？）如果想生仔，男方最好吃素。不過老公錫老婆嘅就會生仔。」

方中信、錢嘉樂、湯盈盈等到賀。
  • 方中信、錢嘉樂、湯盈盈等到賀。
薛凱琪開心出席婚宴。
  • 薛凱琪開心出席婚宴。