郭富城推廣反歧視愛滋

天王郭富城昨日晨早出動，以青年關愛行動大使身份亮相活動，向學生呼籲反歧視愛滋病患者，城城更以身作則，和HIV感染者握手和咬耳仔傾偈，用行動告訴大家不會在正常社交下感染到病毒。他又分享曾經拍攝以愛滋病為題材的電影《最愛》時的感受，落力推動關愛行動，絕對是青少年的榜樣和盡責大使。
城城與HIV感染者（左）合力推廣反歧視愛滋病活動。
城城與HIV感染者（左）合力推廣反歧視愛滋病活動。

城城接受訪問時，表示希望教育青少年懂得保護自己，減低感染病毒的機會，問他平時如何保護自己？他打趣謂：「你點保護，我咪點保護，你係成年人，你識保護嘅。」日前《好報》踢爆熊黛林近日狂用以whatsapp攻城，又拖「攻城狗」Cookie出街，擺明想箍煲。提到此事，城城即收起笑容說：「唔講呢啲喇。」他表示和熊黛林沒有再聯絡。而心情大靚的城城，重申希望以大使身份，發放正能量，還笑說：「我唔係淨係識唱歌、跳舞、養馬！」非常幽默。

城城笑言自己除了唱歌、跳舞和養馬，還可以發放正能量。
  • 城城笑言自己除了唱歌、跳舞和養馬，還可以發放正能量。