肥姐試咪鵬哥要坐低
五年前香港人失去了一顆開心果肥姐沈殿霞，昨晚眾星合力製造笑聲緬懷這位開心果，群星載歌載舞大放笑彈。一眾肥姐生前好友更大爆她有「大家姐」風範，常拔「粗」相助代友出頭，又將自家劇本封為「肥姐私處」等鮮為人知的秘聞，重溫一幕又一幕的集體回憶。
《開心果永遠欣想妳演唱會》昨晚在星光拱照下舉行，草蜢、張學友、楊千嬅等擔任表演嘉賓。愛女鄭欣宜壓軸演出，沈殿霞胞姊及姐夫亦有現身台下支持。而肥姐生前貴為無綫台柱，開場先重溫不少她的節目片段，之後由三位老拍檔鄭裕玲（Do姐）、陳百祥（叻哥）及曾志偉分別上台發表對亡友的感受，大讚肥姐有永不言休的精神。語畢，大會播出久違了的肥姐聲音，為紀念騷正式揭幕：「歡迎大家嚟到紅館，今晚星光熠熠。」令全場動容。
爆粗助人出頭
台上除了有「A貨版肥姐」伴舞外，盧大偉及薛家燕重現肥姐與羅文的「情侶合唱團」，上演一幕經典的夾氣球唱歌。之後在《多嘴街》環節，不少肥姐生前好友相繼爆料，家燕大爆肥姐曾拔「粗」相助：「我同肥姐講我畀人蝦，佢講咗句『豈有此理，叫佢老母嚟見我』，從此冇人再恰我。」而出名「爛口」的盧海鵬亦自愧不如：「肥姐幕前斯文，幕後句句都係粗口。沈殿霞試咪，盧海鵬都要坐低。」
欣宜唔使大執
還有鄧梓峰自爆錯將肥姐手術後的膽石當零食；江欣燕大爆肥姐在劇本上寫上「肥姐私處」，令到何守信等好友都無人敢碰。而任賢齊又提到當年接受訪問時，肥姐聞「州」失笑：「佢問我近期忙緊咩，我話啱啱去完加州、賓州做騷，佢一聽到賓州就大笑，仲話呢個地方唔可以隨便去。」
而欣宜昨午戴上黑超出席拜神儀式，並表示加拿大的親戚為捧場而取消郵輪假期，並指爸爸鄭少秋因工作出埠不會到場，但有致電打氣。對於被指鼻樑變直及鼻頭肉豐厚，欣宜說：「係咩？Thank You，值得開心。」26歲的她強調暫時不用「大執」，她說：「老咗可能修吓眼袋。」
文：音樂組