林夏薇淺草寺求姻緣

林夏薇早前與大學同學、內地演員林鵬到日本旅遊，由於時間緊迫，只逗留4天，不過二人一秒鐘也不放過，到了迪士尼樂園、富士山、淺草寺廟等觀光。夏薇透露與林鵬相識8年，過往曾一起到內地旅遊，早前趁林鵬完成美國短期課程，便雙雙飛到東京玩。
林鵬（左）與林夏薇相識8年，結伴遊日本。
林鵬（左）與林夏薇相識8年，結伴遊日本。

問到此行可有艷遇，夏薇笑謂：「梗係冇啦，太趕，差啲連購物時間都冇，今次重點去晒旅遊區，又去到富士山咁遠，中間仲抽時間浸溫泉，所以冇留意身邊有咩男仔經過添！好彩仲有睇櫻花。」而單身多時的夏薇，得悉淺草寺廟很靈驗，即拉住林鵬去求籤，笑指雖沒有解籤佬，但幸好籤文是漢字，也能了解當中所指，不過卻鬼馬不肯透露是否有姻緣出現。

林夏薇（左）與林鵬遊淺草寺廟時順道求籤。
  • 林夏薇（左）與林鵬遊淺草寺廟時順道求籤。