高皓正任主持要跳海
有高主教之稱的高皓正，近日和主播羅嘉如為有線高清奇妙台節目《極腦》任主持，早前他們邀得o靚模組合Donut於大埔比併益智遊戲，最終高主教落敗，要接受「淋冰」大懲罰，他說：「聽講最後一集嘅懲罰要跳海、由高處滑落去。（有咩避忌？）火同面唔玩得，因為要靠塊面搵食。」
羅嘉如則謂中學時試過跟朋友玩「馬桶衝浪」，將腳伸入馬桶再沖水，她笑高主教可以「馬桶洗頭」作懲罰。高主教指該節目可讓港人多動腦筋，又謂不時跟一歲的囡囡玩IQ題：「我會問邊個係爸爸同媽媽，佢試過指住熊黛林話係我哋個菲傭，搞到菲傭好開心。」已過檔香港電視的高主教，坦言能與有線合作感覺神奇：「我想請張可頤嚟玩，因為佢都係港視人。」一連九集的《極》將於六月五日播出。