王馨平跟Howard McCrary學藝

歌手王馨平(Linda)昨日現身美國著名爵士音樂歌手Howard McCrary香港演唱會記招,Linda表示對方是其歌唱教練,她自去年開始跟Howard學唱歌,她說:「因為當時我要準備個唱,所以要搵個好有經驗嘅人,我喺趙式和嘅婚禮上認識佢,仲有一齊合唱,我知佢係個全能歌手,得過好多次格林美提名。佢上堂完全唔惡,畀咗好多鼓勵同信心我。」問她會否擔任Howard演唱會的嘉賓?Linda坦言仍未知,因為屆時她可能不在港:「到時我要同老公去旅行,可能去日本,老公嘅時間比較煩,我要就佢嘅時間表。」

其實Howard McCrary曾跟已故樂壇天王米高積遜合作,他在記招上表示個唱會以和平作主題,並與慈善機構啟迪合作,幫助腦癇症患者。問到Howard會否在個唱中演唱中文歌時,他笑言要向Linda學習。同場有《綠箭俠》女星Celina Jade及其父Roy Horan、黃長興與太太等。