歌手楊千嬅同老公丁子高昨晚以全黑夫妻look現身，千嬅稱自從為人父母，深感小朋友成長的重要性，故有捐錢一盡綿力。她又大讚王菲為善不遺餘力：「好欣賞佢喺內地成立非牟利醫院，幫助有兔唇嘅小朋友。」問她可會以囝囝丁進諾名義捐款？她感恩謂：「多謝上天畀機會我有小朋友，所以兩夫婦都要做啲嘢回饋社會。」至於可會倣效王菲成立基金會？千嬅坦言：「早年有人撩過我，但搞基金絕不能假手於人，所以要有時間先會搞，現階段先擔任慈善代言人。」
