陳敏之送禮啜爆祥仔

陳敏之與阮兆祥昨日到石澳泳灘為新劇《My盛Lady》開工，兩人穿上懷舊泳裝示人，敏之無負「索腿天后」之名，勁晒43吋長腿，自知上圍無睇頭的她更抵死自嘲，捉住着一件頭平腳泳褲的祥仔說：「我晒唔到上面，借你啲奶嚟攝吓！」兩人在沙灘上演一幕英雄救美，祥仔要幫敏之做人工呼吸，令剛生日的祥仔得以一親香澤慶生。

以三點式上陣的敏之坦言未有因要穿泳裝而節食，相反自爆若與同劇的黃子華及徐子珊相比，她與祥仔絕對是喪食孖寶：「子華同子珊係唔食嘢o架，就算放飯都唔會食，通常都係同枱陪食，唔知佢哋係患咗厭食定絕食！」

祥仔晒胸	咀實唔放 阮兆祥上演英雄救美為陳敏之做人工呼吸，艷福不淺的他開心到忍唔住笑。	工作人員為兩人擔遮降溫。

女友下廚搞壽宴

阮兆祥透露前日是他46歲生日，但由於拍劇關係只得三小時慶祝，於是在家設壽宴，由女友下廚宴請苗僑偉、戚美珍、黃日華、佘詩曼及文頌嫻等好友，他說：「阿佘話見到我女友經常落廚煮嘢食，咁咪約埋一齊食飯開心吓囉。」祥仔指當晚因拍劇而早走，不過知道眾人玩得盡興，更有人坐爆櫈、倒瀉酒：「有兩個朋友開心坐埋一齊咪爛囉，咁又冇叫佢賠錢，最緊要大家珍惜一齊相聚嘅時間。」問到阮媽媽可有逼他成家立室時，他指早於20年前已跟媽媽有共識：「我家姐有小朋友，阿媽已經有孫，所以自己唔急。」

文：影視組