彭丹捱得封「丹哥」
彭丹自編自導自演的電影《南泥灣》已於內地上映，並將於7月於香港上畫，她坦言壓力甚大：「套戲我由25歲演到95歲，有接吻又有出浴，以前呢啲場面好難會批，我都係第一個。」為此片增肥20磅又減肥20磅的彭丹，在環境惡劣的拍攝現場和製作隊伍同吃同住，不少大男人都佩服他，改口叫她做「丹哥」。
問彭丹下一部作品會否再拍軍事片？她說：「下一部會拍商業片，我做咗政協唔會有影響，（早前周星馳缺席會議被批評。）唔識佢，冇資格批評，我係百分百出席率，應承咗做就應該出席，呢個係責任，嚟緊仲會寫提案，想拍啲香港同內地文化文流嘅戲。」