紅姑約仔開餐笑騎騎
近日被傳有新戀情的鍾楚紅（紅姑），前晚與緋聞男友、陳慧琳助手Leo及數名友人到銅鑼灣開餐，記者笑指他們見家長時，紅姑即掩嘴大笑，當要求兩人合照時，紅姑突然撒嬌向着Leo叉腰兼dum地，場面搞笑！
現年53歲的紅姑，自2007年老公朱家鼎癌病離世後，身邊一直不乏追求者，魅力不減的紅姑，近日經常被拍得與異性約會，早前被踢爆與Leo行街睇戲，不過她表示至今仍未想過再拍拖。
友人「識做」避鏡頭
紅姑前晚又再被發現與緋聞男友Leo及鍾珍等人於銅鑼灣開餐，晚上9時45分，悉心打扮的紅姑穿上背面透視恤衫，春風滿面的與Leo先行步出，當記者上前拍照時，其身後的一眾友人即開遮避鏡頭，紅姑則保持親切笑容給記者拍照，表現大方。問到是否同男友食飯？她即指着旁邊的友人說：「唔係，咁大班親友。」但當記者再追問是否見家長？紅姑即掩嘴大笑，繼而一手翹住身旁的鍾珍，並笑言：「呢個係我家姐。」而Leo則表示同老闆食飯。
扮摷手袋保持距離
其後一行人到附近停車場取車，記者要求兩人合照時，Leo即企定定，但紅姑一直扮摷手袋，刻意與Leo保持距離，最後要鍾珍出面解圍，當再三要求兩人合照時，紅姑竟然對着Leo叉腰又dum地，場面惹笑，最後紅姑則駕車載鍾珍及兩女友人離開。
文、攝：追蹤組