薛凱琪慈善騷被累

歌手薛凱琪（Fiona）與同公司新人雷琛瑜（J.Arie），昨日原為無綫慈善節目綵緋突然取消，連同她們前日原定與黃柏高、導演火火為《勁歌金曲》節目錄影，但於前一天（即22號）亦突然被取消，連環變卦事件竟涉及無綫的內部權力鬥爭！據悉今晚慈善節目的內容原定先由Fiona與J.Arie表演合唱，再由Fiona獨唱一曲，但無綫前日突然通知取消J.Arie的表演環節，令到他們的經理人公司太陽娛樂大為不滿，最終決定連Fiona亦拒絕演出，而J.Arie亦有在Facebook表示取消錄影。

嫌節目裏太多新人

據知無綫連環變卦，竟與權力鬥爭有關！早前無綫綜藝節目製作總監余詠珊入院請病假3星期，期間有人私下與娛樂公司達成協議，余詠珊獲悉「變天」後震怒，隨即向上級匯報後並「撥亂反正」，結果令Fiona及J.Arie無辜受牽連。昨日記者致電余詠珊，對於《勁歌金曲》取消錄影一事，她說：「節目調動係由公司決定。（取消J.Arie表演？）公司唔想一個節目裏面有太多新人，而無綫一向都重視Fiona，佢最終上唔到節目亮相，無綫覺得遺憾。」

黃柏高否認公司私底下跟無綫中人傾合作。	余詠珊坦言無綫對Fiona缺席感到遺憾。	鄭丹瑞

其他演出暫無變動

另外，Fiona表示聽從公司安排，同公司的小肥亦支持公司決定。太陽娛樂文化董事總經理黃柏高對無綫兩度臨時抽走旗下歌手的演出節目，他說：「我都要了解，想知道原因，暫時唔會回應。」但他否認公司有私底下跟無綫中人傾合作，他說：「絕冇可能，據我所知無綫所有工作都有正統程序嘅決定，我個人絕對公私分明。」太陽娛樂文化發言人希望無綫可以給他們一個交代，而公司一班新歌手與無綫仍有幾個音樂性節目演出，暫未收到有變動。

而原定Fiona及J.Arie演出的慈善節目的無綫監製何小慧說：「公司有一套用人基準，其實無綫同太陽娛樂關係唔係唔好，J.Arie喺10號先同我哋做咗一個晚宴騷，只係暫時唔用佢住，但太陽娛樂就通知我哋連薛凱琪都唔嚟，因為時間緊迫，未有補上其他人，但對節目不構成影響。」《勁歌》主持鄭丹瑞則說：「聽講取消錄影係有人度唔到期，對我冇影響。」

文：專案組