唐貝詩翹仔好過仆低

寇鴻萍長女唐貝詩（Lydia）日前被《好報》拍得與「脹爆許懷欣」的金融才俊當街翹手、掃背兼胸壓，行為親暱。本報致電問Lydia回應，她否認與對方拍拖，並稱對方是母親朋友的兒子，從小已認識，是一位專業人士。她解釋：「嗰晚喺蘭桂坊，你哋都知條路好斜，我又着高踭鞋，佢好gentleman畀我翹住行。」她否認對方展開追求：「佢冇拍拖，我會介紹女性朋友畀佢識，早日搵到女朋友。」問到日後夜生活可會避忌一點？她說：「向來都避忌，不過之前都畀《好報》影到我仆低，咁我寧願畀人影到翹手好過仆低！」