陳嘉容埋身 山本耀司嘩嘩聲
名模陳嘉容（Eunis）、Mandy Lieu等前晚出席日本時裝設計師山本耀司在港舉行的品牌活動，兩女難得與大師見面，正好趁機跟對方合照留念。
Eunis表示其實不是首次見山本耀司，但正式見面就是第一次：「3年前我喺杭州為佢旗下品牌行騷，但當時太多人，我只係見到佢喺現場，冇近距離同佢接觸。尋晚大會嘅人帶我埋去同佢見面，我就用日文同佢講『恭喜晒，好高興同你見面。』佢見到我即刻話『嘩，你好高呀！你一定係model嚟喇。』佢真係超級nice，70歲仲咁有型瀟灑。（欣賞佢？）梗係啦，佢咁成功，佢嘅設計好有自己嘅style，一睇就知係佢嘅作品，佢咁嘅歲數依然不言休，活躍於時裝界。」
