Dominic賣萌 搵糖妹教路

糖妹男友Dominic(何浩文)日前舉行歌迷聚會,師妹Kabby(許雅婷)亦現身撐場。獲贈寫上「給我一個吻」男神獎座的他,識做地錫女粉絲面珠作回敬,不過對方卻表現冷靜,Dominic笑謂:「我啲fans平時都係咁,(檢討吓點解冇魅力?)我有諗過係咪我個身有味,哈哈!」最近他往馬來西亞登台時,與觀眾握手,豈料手背突然覺痛,Dominic縮手一看發現被粉絲的指甲刮傷留痕。

談到暑假推出「賣萌」寫真,Dominic透露:「會示範做甜品,之前喺英國住時都係自己整甜品,所以呢方面都OK,但扮可愛就要向Candy(糖妹)、師妹取經。(女友食過你整嘅甜品?)冇喎,第一個食嘅係我家姐。」他又謂會裸上身、只着短褲拍寫真。