梁朝偉跟得老公 撐嘉玲封后

【戴佩玉康城直擊】梁朝偉、甄子丹前晚先後現身機場,啟程往法國康城影展,兩位「葉問」今次唔耍詠春,齊齊做廿四孝老公。偉仔為撐有份角逐「最佳女演員」的老婆嘉玲,子丹則有太太汪詩詩陪宣傳新片,非常幸福!偉仔謂對嘉玲問鼎影后非常有信心,而子丹就有老婆萬事足,認真甜到漏!

「一代宗師」梁朝偉和「宇宙最強」甄子丹兩位葉問前晚分別帶同老婆劉嘉玲、汪詩詩,先後現身香港機場,出發去法國參加康城影展。

晚上11時,偉仔與嘉玲手拖手到達機場,曾奪康城影帝的偉仔,雖然今次沒有作品入圍,反而嘉玲主演的電影《過界》就入圍「一種關注」單元,有機會問鼎該單元的「最佳女演員」,偉仔以行動支持老婆,並謂:「對佢有信心!」

全程陪老婆

當記者問偉仔有否率先試聽嘉玲為《過界》唱的主題曲?偉仔一臉懵懂,嘉玲即笑言:「我想畀Surprise佢,等佢睇戲嗰陣先知道,你哋又爆咗出嚟!」偉仔亦大讚老婆歌喉不俗,他表示今次主力撐老婆,應該不會和各大導演會面傾合作;而嘉玲又稱自己忙於宣傳,怕悶親偉仔,兩公婆真是甜到漏!

體貼帶藥膏

至於宇宙最強甄子丹是次到康城宣傳主演電影《3D冰封俠》,太太汪詩詩亦夫唱婦隨。貴人事忙的子丹似乎非常趕時間,臨check in前才與太太整理行李,而詩詩亦非常體貼,為有腰傷的子丹,帶備藥膏以備不時之需。問到子丹帶了甚麼?他甜笑說:「帶咗老婆!」

眾多還未上映的香港電影,在康城影展率先曝光海報,子丹以長髮造型加chok爆表情出現在《3D冰封俠》的海報中甚見「戲」味!而偉仔和嘉玲於香港時間昨日已抵達康城,雖然舟車勞頓,但二人都精神奕奕,稍作休息後,嘉玲便會試戰衣,為求索爆紅地氈。