水怪古巨基chok樣救地球
「英皇一哥」古巨基日前夥拍師妹湯怡為代言的飲品拍攝電視廣告，為推動環保，廣告商創新引入植物樽取代膠樽，拍攝現場準備超過200棵綠色植物以配合主題，更揼本同時間以五部攝影機作多角度拍攝，再配以大量電腦特技，所以基仔與一眾演員要憑空想像拍攝效果，基仔笑說：「今次係演技同想像力缺一不可，我啲幻想力唔錯，所以難唔到我。」
唔開冷氣
自嘲是「水怪」的基仔由細到大都愛飲水，他說：「每日我都飲多過8杯水，尤其做嘢或開演唱會時，唱歌會好口乾，工作人員都會幫我預備大量嘅水，連屋企人、朋友都話我係水怪。」支持環保的基仔可謂身體力行，一年四季都不會開冷氣的他笑說：「夏天我都係開風扇咋，電費都交少啲啦。」而湯怡則少吃肉類，幫助減低碳排放量，她笑說：「推動到環保之餘，仲可以保持健美體態、改善皮膚，一舉三得。」
活力十足
拍攝當日，導演要基仔跟湯怡、演員一齊做出驚訝表情，眾人即不斷「依嘩鬼叫」，被工作人員取笑被他們的叫聲搞到「耳都聾」，眾人又不停開心地跳躍，活力十足。
文：音樂組