米雪反串演粵劇

粵劇名伶蓋鳴暉及吳美英昨日出席戲曲《相如追夢》記者會，宣布7月17至24日假新光戲院演出九場，並重金禮聘米雪客串「茂陵公主」一角，更會反串及露肉性感演出。首次參演粵劇的米雪坦言緊張：「以前拍古裝識啲造手，原來唔係好啱，所以加倍努力，依家已經練緊造手同聲。」
李居明、蓋鳴暉（右）很開心米雪演出《相如追夢》。
李居明、蓋鳴暉（右）很開心米雪演出《相如追夢》。

新光戲院大劇場主席李居明表示該劇投資過二百萬，問為何邀請米雪參演？他說：「今個戲季有兩個女仔，另一女角一定要搵有分量、靚嘅，原來米雪曾經喺《歡樂滿東華》唱過《紫釵記》，我覺得佢得，就同蓋鳴暉講。」他又謂將找電影電視圈的藝人跨戲曲演出。

蓋鳴暉則透露有無綫藝人參與：「演員之間要好有感情線最做到朋友，再做拍檔先可產生火花。（想搵馬浚偉？）佢係其中一個會選擇嘅，其實係我識、同我合作過嘅人。（陳豪？）我都想但佢好忙，好難度期，但都係頂級人馬。依家洽商中，差條件同檔期，希望可以速成到呢個美夢。」