李思欣6位數搞鑽石生意
無綫藝人李思欣近日與友人搞網上鑽石生意，日前更與老公范振鋒戴七位數字鑽飾拍攝廣告，單單思欣手上的四卡鑽戒都要數十萬元。二人拍攝時儼如拍婚照般甜蜜，問到老公有否收酬勞時，她笑言：「梗係冇，仲要倒貼添呀！佢會喺財政方面支持。」
首次做生意的思欣說：「依家我都修讀緊鑽石鑑證嘅課程，暫時負責推廣方面，至於睇鑽石同攞貨就由我拍檔負責。」她又稱今次投資了六位數：「我哋唔需要租舖，所以唔使拎咁大筆錢出嚟，客人如果想買鑽石，可以約出去睇。問預計何時可回本？她笑言:「梗係愈快愈好啦！依家自己未開劇，都會專心喺呢盤生意上，但係我又唔會唔拍劇，因為呢個始終係我興趣。」那豈不是沒時間生BB？她坦言：「我同老公都有共識，遲啲先，我都仲係好後生。」
