周啟生成功上契 high咀「老竇」

歌手周啟生及周小君前晚舉行《小生小君LOVE & LIVE演唱會》尾場，獲林志美、江華夫婦、趙增熹等撐場，啟生繼續同嘉賓及觀眾咀足全場，戴思聰老婆亦成為目標。其後，啟生更以水代酒，下跪嘉賓胡楓（修哥），再次要求上契，鬼馬的修哥爆金句：「我哋講心，水就唔使斟，嚟到飲一飲，我個心好甘。」並宣布啟生是其第14個契仔，high爆的啟生「把持唔住」即咀契爺！
啟生終獲修哥答允上契，兩人以水代酒，最後更咀嘴晒「父子情」。
啟生終獲修哥答允上契，兩人以水代酒，最後更咀嘴晒「父子情」。

啟生在慶功宴上自爆本想當修哥契細佬，點知曾慘食「檸檬」，畀修哥硬窒「你未夠班」。問到小君可會繼續「添食」？小君笑指因開騷而「欠落一身債」：「我幾個月冇同朋友食飯，冇同學生上堂喇，要還債先！」

  • 放大圖片
小君和啟生完騷後出席慶功宴。
  • 小君和啟生完騷後出席慶功宴。
嘉賓黃百鳴大展歌喉，全場拍爛手掌。
  • 嘉賓黃百鳴大展歌喉，全場拍爛手掌。