女星林嘉欣前日在微博宣布誕下幼女Sofie，昨透過經理人公司表示已出院，坦言很開心囡囡在母親節前來到這個美好的世界：「現階段努力餵母奶，今次做媽媽感覺好實在好滿足，唔似得第一次咁多憂慮，因為再唔係新手媽媽。母親節好好喺屋企休息，陪吓個女。（追多個仔？）封肚啦！兩個啱啱好，兩姊妹有伴我可以收工啦，諗下點同老公拍拖好過啦！」
剛坐完月不久的蔡少芬昨接受電台訪問時自爆曾通街餵細女飲人奶：「我試過喺coffee shop餵，去主題公園都試過，雖然乜都睇唔到，但畀老公同經理人鬧，最終用布再加傘陣擋住。」並在微博上載與大女楚兒的嘴對嘴合照，場面溫馨。
另外，新任媽媽湯盈盈及文頌嫻均在微博表示享受首個母親節，並上載抱B照片，祝各媽媽母親節快樂。