紅姑見花嗒糖
鍾楚紅（紅姑）昨日出席健康產品活動，還即場獲贈一束鮮花，由於紅姑近日被拍得跟一名男士共進晚餐，當晚手上還拿着一束花，問她最近是否經常收花？她表示：「我唔使收花！我成日自己買花。（當晚收花特別sweet？）唔係，我見到花就sweet。（嗰位男士咩身份？）識咗好耐，係男性朋友，佢係最後一個畀你哋影到，我冇晒朋友啦！」
紅姑又扁嘴表示所有朋友都怕了她：「難得有朋友肯同我食飯，就畀你哋污染，寫到咁曖昧，話我嘴角含春，冇咁核突！佢哋話同我一齊都冇好日子過。」至於與該男士可有發展機會？她強調二人只是朋友：「就係咁簡單，好多朋友講明唔同我去街，你哋寫佢乜，佢都冇得反駁。（如果肯同你去街唔怕畀人影先係真正追你？）我未接受到畀人追，依家生活好正，好享受一個人生活，同隻貓。」又謂有家人陪伴不覺得悶。