劉嘉玲為攻康城血拼
日前ontv追蹤部隊發現影后劉嘉玲撇低老公梁朝偉，與助手及兩名女友人陪同下現身中環。助手提着不少戰利品，似乎嘉玲當天收穫不錯，買得興起更一行人浩浩蕩蕩地步入鞋店，ontv追蹤部隊發現她們入內不久即有斬獲，未幾嘉玲與女友人十指緊扣步出，邊行邊傾，非常老友！之後嘉玲睇完鞋再入時裝店睇靚衫，由於愈買愈多嘢，助手先行將一袋二袋送上車再折返。
而劉嘉玲憑與陳坤主演的電影《過界》，入圍本月15日開幕的國際影壇盛事「第66屆康城電影節」其中「一種關注」單元，成為十八部參賽電影之一，似乎嘉玲為了以最佳姿態示人，買定靚衫踏上紅地氈。