露雲娜畀追魂Call 逼出山

有「金童玉女」之稱的賈思樂（Louie）和露雲娜（Rowena）將攜手再踏舞台開騷獻唱。日前二人上ontv《娛樂 on Show》接受主持人俞詠文（Angela）訪問，問到闊別樂壇廿八年的Rowena為何願意再出山？她笑言：「都係因為Louie以誠意打動我！佢勸咗我復出好多次，之前我一直無應承，佢啲絕命追魂call搞到我發噩夢！」Louie即坦言：「我哋以前好合拍，如果Rowena唔再唱歌就真係好可惜，所以我成日都求佢復出，好彩最後都成功打動佢！」

借衫影封面

主持人Angela於訪問中自爆是Louie和Rowena的小粉絲，更即場拎出二人的黑膠唱碟要求親筆簽名！二人有求必應之餘，更透露當年影唱片封面的趣事，Rowena表示：「當年我係放咗學就即刻去影封面，好記得我喺封面着嘅紅色衫係現場一位大姐姐借畀我換嘅，可以話係細路仔着大人衫！」

即將開騷的二人接受ontv《娛樂 on Show》主持人俞詠文訪問。

露雲娜與賈思樂這對金童玉女一坐埋即傾唔停，細訴當年往事。

而Louie亦笑言：「呢個封面係我當時拍《歡樂今宵》外景時順便影嘅，所以你會見到我對鞋其實好污糟，哈哈！」Angela想知道二人更多的真情剖白？立刻Click入ontv去片啦！

文：專案組