入行超過四年的歌手朱紫嬈（Khloe），日前出席活動時，透露自己很大懵，蝦碌情況不時發生，早前試過在樂壇天后容祖兒（Joey）面前出醜，她說：「有一次出席喺酒店搞嘅記者會，記者叫我影相，影完之後我就行開咗，但之後聽到有人嗌『Khloe，麻煩影多幾張』，咁我就行埋去諗住再影啦，仲企喺度擺晒甫士，點知擺咗一陣，先發現Joey企咗喺我後面，原來個記者係叫Joey影相，唔係Khloe，搞到個場面好尷尬，我惟有傻笑講句sorry然後行開。」
