傅嘉莉要吳卓羲公開認頭

跟吳卓羲緋聞傳得火熱的模特兒傅嘉莉（Kelly），昨日出席美髮活動時，被問到可有男生讚她髮質好？她表示：「客戶有讚。」問緋聞男友吳卓羲呢？她即冧爆傻笑說：「佢都幾鍾愛我劇中嘅look。」自言想再減肥的Kelly，被問到會否叫吳卓羲戒送糖水？她又笑說：「我好鍾意食糖水，（你哋甜到漏！）佢……佢……請劇組請大家食，好豪氣，好sweet，（筍盤？）絕對係，平日見佢好似好cool咁，其實佢好幽默、好體貼。（淨係對你幽默？）我哋兩個多戲份。」

係好好好好朋友

當記者問到二人的關係，問是否拍拖中？Kelly回答：「我哋係好好好好朋友，（發展機會？）將來嘅嘢冇人知，（爭啲咩？）佢對大家公開、追我、承認先，（佢講先？）男仔要有風度，女仔就要矜持嘅。」Kelly又透露目前雙方關係好好，並謂拍拖要講感覺，記者笑問吳卓羲可有約她「唱K」？她一臉甜絲絲：「我鍾意唱，卡拉OK嗰隻，（做「K女郎」有咩感覺？）K for Kelly！（「雙K」好夾？）唔知夾唔夾。」

馬詩慧（左）與馬太張筱蘭同姓三分親。

黃佩霞與鍾浠文對美髮各有心得。

想似峯語咁sweet

對於吳卓羲以前的負面新聞，Kelly坦言：「識落唔覺係啲咁嘅人，佢係一個幾好嘅男仔，睇報紙同真實唔同，真實加啲分。（幾多分？）好高分，（點解未滿分？）如果真係追我、鍾意我，公開先算。（避嫌？）唔會，套劇就嚟宣傳，自己會配合劇組安排。（想似吳千語和林峯一樣sweet？）係女仔拍拖都想sweet，希望好似佢哋一樣。」Kelly表示拍劇經常捱夜，面對高清鏡頭下，當然要保持皮膚靚靚，她說：「鍾意飲特別滋潤嘅嘢。」同場嘉賓包括名模馬詩慧、馬德鐘太太張筱蘭、瑜伽高手黃佩霞、模特兒鍾浠文等。

鍾浠文

吳卓羲

文：名人組