組合Shine昨日到電台宣傳演唱會DVD，原來兩子今次有份投資DVD，故特別緊張銷量，天佑表示︰「總共投資咗100萬，因為要買番晒20幾首歌嘅版權。其實啲版權差唔多完，但我哋唔想等多一年先出碟。」
又南指出碟不望賺錢︰「出呢隻碟係我哋心願，打個和都好喇，應該賣至少3千至5千先回到本，翻唔到本經理人話包底。」兩人月尾將拍陳果的新戲，女主角終於落實，但兩人就大賣關子說︰「電影公司想留番畀佢哋宣布。」
