莊思敏辦校「峰」頭被搶
莊思敏有份投資的image school昨日開幕，她谷盡四吋事業線為自己宣傳，又碌爆人情卡邀得緋聞男友葉念琛撐場，不過「峰」頭卻被「瀉奶」的「寸嘴Barbie」夏尉喻搶去，她還招積地指是「尊重」主人家才谷到行！
模特兒莊思敏昨日穿着低胸橙色連身裙，狂騷四吋事業線出席自己有份投資的image school開幕，出席的嘉賓還有緋聞導演男友葉念琛及模特兒姚書軼、李蕙敏等。莊思敏表示總投資額近七位數，單是人情債已欠下一百萬。現場所見，她大方與葉念琛合照；問到如此性感是否想「色誘」對方？她笑說：「唔關事。（佢係咪你杯茶？）做朋友係OK。（撻着未？）未呀，我哋稍後會合作電影。（有冇請舊愛吳浩康？）冇呀，近來少聯絡。」
尊重主人家
雖然莊思敏「谷咪」又玩緋聞，但「峰」頭卻敗於o靚模「寸嘴Barbie」夏尉喻，谷爆上圍現身的「寸嘴Barbie」搶盡焦點，說到如此性感，她繼續發揮寸嘴本色說：「夏天嚟嘛。（之前冇咁勁？）肥咗，我連塊面都肥埋，而且我就嚟M到，係生理期。（仲以為你隆胸添？）唔係，生理期先係咁。」在旁的另一o靚模石天欣揚言曾「見識」過，幫口說是真材實料！問「寸嘴Barbie」可有加胸墊？她說：「都有，但唔關個墊事。（你谷得勁過莊思敏喎？）我尊重佢，你哋都見到我嘅尊重程度啦！我真係落足本幫佢宣傳。」她說現忙於拍戲與登台，並透露簽了新經理人公司，但未有計劃推出寫真：「之前簽嗰間公司就係逼我出寫真集先會拆夥。（即係唔出？）呢個世界冇絕對，要做就要做啲自己嘅路線。（你係乜路線？）funny and sexy，我底線係三點式。」
文：名人組