祖兒撐阿Sa 跳水夠決心
蔡卓妍（阿Sa）有份參與的內地跳水節目頻生事端，容祖兒前晚撐好姊妹有決心，鼓勵她繼續接受挑戰。阿Sa還提議祖兒加入跳水行列，因為這項運動有助減肥。
容祖兒、謝安琪（Kay）、組合Super Girls、黃貫中及周筆暢等歌手前晚現身中西區海濱長廊，出席五．四青年音樂節「GIMME 5．4 Dream Music Festival」，Kay與祖兒分別打頭陣和壓軸演出。音樂節籌委會主席詹勝表示活動非常成功：「政府第一次批呢個場畀人用，我哋都係第一次搞，好開心反應熱烈。」
對於內地女星黃聖依單方面代阿Sa宣布退出內地跳水節目，祖兒力撐阿Sa說：「早排同佢食完飯，我都叫佢小心啲，佢好大決心去做呢件事，仲講笑話如果我想減肥就跳水啦！」祖兒又撐杜汶澤日前出言護妻：「每個人都應該保護另一半，佢一向敢言，有時敢言到亂講。」
至於被偷拍到與男友劉浩龍和其他好友飯敍，祖兒扁嘴說：「影到冇所謂，不過食完我屙咗幾日，以後留喺屋企食算喇。間店幾隱蔽，估唔到有人追蹤，希望啲食肆唔好咁咩啦。」似暗示有人放料。
Kay信晒老公
Kay表示不會特別慶祝母親節：「乜嘢節日都係一家人食飯就算，禮物唔係重點，孝順父母係平日培養。」她說沒體罰過兒子：「扮打就有，大聲鬧都未試過。我哋屋企係處境喜劇，冇奸角。」有傳Kay老公張繼聰騷錢少，要貼錢打工，她否認說：「佢身價應該唔錯，近排嘴角都翹翹哋。」另外，黃貫中獻唱時被煙火嚇親。
文：音樂組