馬賽怪女傭奪初戀回憶

無綫藝人馬賽日前遭其印傭偷竊，飽受困擾，近日更被指患上抑鬱，昨日她為劇集《神探高倫布》宣傳時，澄清情緒上絕無問題，不過除了金錢損失外，令她最為失落的，卻是印傭偷了其初戀情人寫給她的日記：「佢見我本簿好靚就攞咗去，仲將寫咗嘢嘅部分撕咗，搵唔番啦，其實我都有責任，太信任佢，（真係請番佢？）屋企人同經理人唔放心，不過呢排忙冇去諗。」至於有傳被其他演員杯葛，馬賽聞言即否認，透露報道還未曝光，龔嘉欣已致電向她耍冧，她說：「佢都話唔知點解寫成咁，亦有啲唔開心影響咗我，話冇講過呢啲嘢。」
馬賽心情似乎已經好轉。
馬賽心情似乎已經好轉。

同場的黎耀祥剛剛度過生日，透露忙拍新劇，將於下月赴佛山拍外景，但一切要看疫情而定：「可能延期或取消，喺香港搵景拍，但拍檔胡杏兒有機會已經開下一套劇。」

黎耀祥（左）與敖嘉年大跳懷舊舞。
  • 黎耀祥（左）與敖嘉年大跳懷舊舞。
劇組向祥仔送上蛋糕補祝生日。
  • 劇組向祥仔送上蛋糕補祝生日。