盧海鵬晒啷同詹瑞文鬥粗

盧海鵬與詹瑞文昨日以「戰鬥格」出席「詹瑞文盧海鵬紅館奇幻扮嘢大典」記者會，穿上打拳褲加上兩個大啷啷，更潮着紋身襪褲。兩代扮嘢高手先禮後兵，互送牌匾及大利是，寓意「扮嘢宗師」及「扮嘢大師」，將在6月14、15日兩場扮嘢騷大鬥扮嘢功力。詹Sir更即場與四位辣妹自唱自跳粗口版的《好重口味》送鵬哥，歌詞抵死改成「試咪、試咪」、「笑你老味」等。

或會加場

一向敢言的鵬哥屆時會解構「盧海鵬試咪」粗口金句的淵源，詹Sir笑稱該環節兒童不宜：「現場18歲以下嘅朋友要家長陪同。不過我哋唔係真係爆粗，只係有粗口意味。（又講老母？）點只老母，講埋老竇。」他們表示若賣飛反應熱烈，將會再度加場，並參考《中國好聲音》形式，邀請徐小鳳、達明一派、盧冠廷等上台做嘉賓評判。

鵬哥孖詹Sir在台上與數名女舞蹈員跳舞搞氣氛。

二人互送牌匾，先禮後兵。

挑戰舞王

詹Sir表示將練舞惡鬥「郭富鵬」：「鵬哥會扮郭富城。（你扮熊黛林？）唔係，我係扮Michael Jackson同佢鬥。」問到鵬哥可會為求逼真而操肌扮城城？他笑說：「我不嬲都有肌，唔好睇小我。」今天正日生日的詹Sir獲大會送上蛋糕，問可會與緋聞女友Amenda慶祝？他即避忌攬實鵬哥：「我會同我男朋友慶祝。」

文：音樂組