戴夢夢同阿爸講普通話

最近長期於內地拍戲搵真銀的戴夢夢，日前穿黑絲露索腿出現在銅鑼灣，與一名中年男子於街頭拉拉扯扯，兩人不時用普通話交談，未幾更邊行邊傾步往咖啡店，入到店內卻發現冇位，夢夢嘴扁扁和男子轉而行入酒店。

其後記者致電夢夢，她即時哈哈大笑，並說：「佢係我爸爸囉！好多人都話我哋似樣o架。唔係咩？嗰日我哋飲唔成咖啡去咗酒店飲啤酒。」問到為何和爸爸講普通話，夢夢說：「呢排去內地拍戲，雖然我啲普通話都OK，但始終唔係太好，所以依家叫晒屋企人同我講普通話，當練習。」