劉嘉玲高貴Cutaway
要展現性感，唔一定要吓吓露肉，可以從剪裁或質料方面入手。cutaway是最高章的裁剪技巧，將裙身某個位置切掉一部分，大多在腰間或膊位，當紅之物cutaway，未必令每位女星都露得「靚」。星級形象指導Ricky（郭慶彬）教精姊妹們，身上有多餘脂肪都要三思，皆因好易自暴其短，露出一忽忽鬼祟肉。今期的best of the best就落在劉嘉玲與楊丞琳身上，前者演繹得高貴簡潔，而後者則有種少女的summer feel。
劉嘉玲
黑色款好凸顯佢嘅白滑皮膚，簡單配襯個chunky手鈪同小耳環，加埋個貼服髮型，好有高貴嘅簡潔美。
何穗
貴為國際超模，佢身形已經搭夠，但值得一讚係對高跟鞋同個彩妝，襯得恰到好處，成個look好有亮麗光彩。
江若琳
佢向來打扮一般，但今次簡單嘅白色裙款着得好有summer feel，散發清爽少女味。
楊丞琳
顏色好sharp，好有夏日色彩，完全着出少女感覺，露少少就能帶出嗰種健康性感。
陳慧琳
呢條裙款同顏色本身好難carry，但佢勝在夠台型，深明簡單就是美的襯法，無需配首飾，一對open toe高跟鞋，經已夠優雅。
蘇菲亞羅蘭
佢年屆78都keep得身形好fit，好有艷光，不過佢嗰抽頸鏈就唔知想點，too much，反而襯條短身嘅吊墜頸鏈，更簡單高貴。
鄧紫棋
度身訂造當然好合身，簡直着靚咗佢，顯到佢身形比例好勻稱，有一種吸引力。
Christina Aguilera
佢胸大又揀條低胸款，令原本着瘦人嘅黑色，都瘦得佢好肥好大隻，加埋一身珠光寶氣，好怪，如果只襯手鈪、戒指或耳環，更順眼。
Profile
星級型導郭慶彬（Ricky）早前遠赴米蘭與巴黎時裝周，出席Max Mara、Chanel、Valentino、Gucci與Jean Paul Gaultier等品牌，也曾被邀在節目《美麗俏佳人》擔任嘉賓主持。Ricky曾為李冰冰、吳君如與張惠妹等擔任造型師，地位被肯定。