李嘉欣拒與老公家庭裝

大美人李嘉欣日前以大使身份出席愛彼女皇盃活動,一見ontv即透露絕不會與老公穿家庭裝,但卻不介意與囝囝Jayden Max(小JM)母子裝上陣,認真偏心!她又向ontv大爆小JM非常頑皮:「佢見我啲長裙會匿喺入面,當巾咁fing,又成日篤我啲化妝品,啲化妝品有晒佢嘅腳印同手印。」若小JM做錯事,她必會打手掌懲罰:「打佢其實我都會心痛,但點都要交戲扮惡。老公就一係唔惡,一惡囝囝就驚。」她又指若非囝囝有危險,否則不會呼喝他:「尋日囝囝喺屋企跌倒,我自己都呆一呆,真係嚇死我,點知囝囝幾秒後就狂叫、笑同再跑。」