Mandy Lieu冧金剛 high爆叫hot

Mandy Lieu與千語BB昨日以運動服打扮出席護膚品牌活動，Mandy為求搶鏡，不惜谷出4吋長的事業線，反觀千語BB則作密實打扮，二人在台上玩跳繩時，身材即時高下立見，Mandy豐滿上圍隨跳動上下跌盪，惹來不少人圍觀，及後接受訪問時被取笑上圍很洶湧時？她聽罷即high爆笑個不停，說：「係咩！」

男方模稜兩可

對於近日跟金剛傳出緋聞一事，她不禁大讚對方是筍盤，問到金剛是否鍾意她着得性感？她說：「咁我要着多啲。」她指與金剛是到福岡拍獎門人而認識，至於是否撻着？她大笑說：「佢為人很nice、風趣與gentleman。（嗒糖？）值得讚就讚，總之開心囉！（蜜運中？）唔會啦，一個trip就咁快。（追你？）我唔知道有。（人哋示好你唔知？）冇啩。」至於金剛是否她那杯茶？她繼續大笑：「我唔知自己飲乜茶！（光頭呢？）光頭、高矮、肥瘦對我都冇影響，最緊要溝通到。我識咗佢幾日，但同一班人一齊做嘢真係好開心。」記者直問會否畀機會給金剛時，她笑說：「咁嘅問題。好hot……好hot呀。（你鍾情台灣人？）唔係我安排。（即天意？）咁衰o架！總之呢個獎門人trip好開心。（佢氹得你好開心？）佢好風趣，唔知點解佢企我旁邊就開心。（我哋唔覺喎？）咁我咪好幸運。」

金剛	Mandy（左）與吳千語（右）在台上玩跳繩，再搶「峰」頭。

而記者昨日致電金剛，問到與Mandy的緋聞，他說：「大家講國語，所以啱傾啲。（有冇發展機會？）唔知喎，我啱可能佢唔啱，佢啱又可能我唔啱。」

接受健康性感

同場的吳千語坦言不介意被搶風頭，被問到是否林峯禁她性感時？她否認：「唔係，運動服是大會安排，健康性感OK。」她說未試過與男友一同做運動，原因平時已很少見面，指近日拍戲的林峯，每次只回港一天，只夠時間吃一頓飯，問到男友夠唔夠弗？她說：「佢有時keep都可以好弗。（佢有腹肌？）大家同我見到一樣。（你見得多啲？）佢要keep嗰類型，佢屬於肌肉發達型。（佢鍾意baby fat定肌肉型？）都OK！」她稱自己有做運動，但少跳繩，所以在台上跳到有些氣喘。

文：名人組