秀姑贏頭馬今慶功

陳百祥(阿叻)與太太黃杏秀(秀姑)聯名做馬主的愛駒「如虎添翼」昨日在沙田賽馬第五場勝出,獨贏賠率十倍,秀姑開心拉頭馬。阿叻事後笑言:「老婆本身已經有一隻老虎,因為我屬虎嘅,依家仲『添翼』,仲唔跑到飛咁快?今日有好多人嚟(馬場),好似志偉咁,我帶挈身邊人賺錢,聽日會慶功。」

阿叻現時是三馬之主,另一愛駒「莫己若」去年亦曾獲勝,故今次是他今個馬季第二場頭馬,他說:「之前名下幾匹馬都表現唔錯,但或多或少腳部有毛病,所以希望『如虎添翼』日後健健康康,輸贏反而唔係最重要。」而『如虎添翼』今年已四歲,秀姑於牠一歲時在愛爾蘭買入,昨日在香港第六次出賽,之前五場跑過一次第三名,今次終於成功取得首場勝利,可算吐氣揚眉。