古天樂退休大計海邊賣咖啡

藝人古天樂及歌手吳雨霏（Kary）前晚出席咖啡品牌活動，他表示從小就有一志願，希望能夠在海邊開設咖啡店，他又一臉羨慕地說：「見到啲法國人飲咖啡飲得好休閒，我都想可以坐低邊飲邊睇吓雜誌。」問到「搵唔少」的古仔計劃何時實現？他就坦言：「唔係錢嘅問題，我依家學緊咖啡上的知識，可能退休先搞，會考慮喺東南亞地區物色海灘。」古仔又自爆有留意陳豪的咖啡節目，並大讚：「我有睇佢節目，佢直頭成精啦！但我冇咁多時間學呀。」提到早年古仔在車胎廣告的普通話對白令人印象深刻，今年再度接拍可有新金句？被翻舊帳的古仔就報以多謝結束話題。