鍾浠文似徐子淇多job有着數

鍾浠文（Zelia）前晚出席名車活動時透露她昨日要考車牌筆試，但信心不大，因筆試教材用詞跟內地不同，她有些看不明。她笑言緋聞男友周柏豪說如果她考不到就有些不正常，正常人都考到。提到早前李嘉欣表示曾有交通警要求跟她合照，問到Zelia可有遇過類似情況？她說：「有，試過同個女性朋友一齊，朋友揸車，我坐佢車，遇到有交通警喺度做酒精測試，個交通警問我係咪徐子淇想同我合照，我話唔係，徐子淇唔係坐呢啲車。但我覺得佢當時係工作緊，同佢合照唔係咁好，所以拒絕咗佢。自己畀人話似徐子淇都講咗好多年，我想剪短頭髮換個新形象，大約到肩膊位置。（畀人認錯會唔會唔開心？）初初覺得幾得意，依家就覺得唔出奇，又多咗job，冇乜必要介懷。」

柏豪設計鞋

另外，Zelia昨日與周柏豪一起出席I.T旗下鞋履品牌Venilla suite活動，柏豪是第二度與該品牌合作設計鞋，他指身邊不少朋友都介意女友穿高跟鞋後比自己高，他自己則不介意，除非女友不穿高跟鞋仍高過自己才介意，他自言從沒有用過增高鞋墊。

徐子淇	鍾浠文以大露背裝出席汽車活動，直言對考筆試信心不大。

突然認單身

傳已有同居女友Stephanie的他，日前表示大家可以恭喜他，暗示自己在蜜運中，但昨日突然稱Stephanie只是好朋友，自己是單身，他說：「你哋寫我單身。（咁事實呢？）事實都係單身。（你成日同Zelia情侶檔上陣怕唔怕女友呷醋？）唔使諗感受，工作大家會明白，我顧粉絲感受多啲。」他又表示有興趣設計男裝內衣系列，笑言要3D立體剪裁，球星碧咸也有，穿了會增強自信，但他就不會像碧咸一樣親身演繹，不過如果他夠時間把自己再操fit些就可以考慮；而若他設計女裝內衣，Zelia亦表示不介意做他的模特兒。

文：名人組