周末氣氛令中環蘭桂坊愈夜愈狂野,一班城中富二代深夜出動,昨日凌晨時分於某夜場舉行派對,出席者有林愛兒、何傲兒富家緋聞男友、林德信、藝人邵美琪男友施祖男及「爆E超蓮」Iris等,現場另有不少低胸露臂、穿吊帶迷你裙上陣的性感年輕女子,各人在強勁音樂配合下情緒高漲,加上不時有人主動開香檳請飲酒,現場氣氛相當熱鬧。
獻殷勤揸機拍照
好驚唔識畀反應
富二代之後走到林愛兒身邊,一手搭着其膊頭,愈傾愈埋咬晒耳仔,或許林愛兒不太受落如此親暱行為,面露不悅,嬲爆爆地向對方說了幾句便自行離座,未幾更拉大隊帶同Iris等人轉場再玩。
昨日記者致電Iris,對於被當眾掀裙洩春光,她直言好驚,她說:「點解你哋會知嘅?我有嚇親呀,完全係嚟唔切畀反應,真係好驚,佢冇掂到我囉,如果有身體接觸我一定會一巴打落去,我知佢係飲醉咗,但就算係醉,咁嘅行為好唔啱,當眾咁樣做,對女仔好唔尊重。(你知唔知佢係邊個?現場有人話係何傲兒緋聞男友?)係!佢係朋友嘅朋友,所以算啦!」
文、攝:追蹤組