黃家強：Beyond重組傷感情
黃家強將在6月4、5日一連兩晚，假九展舉行「It's Alright」演唱會，昨日他現身記者會時，同時宣布加盟任賢齊旗下。今年為家駒離世20周年，家強特地寫了一首新歌《好好》獻給哥哥：「想為佢做番啲嘢，感謝哥哥多年來照顧。」
早前葉世榮表明不願再以Beyond的名義演出，家強表示可以理解：「每次喺音樂上合作，大家都會變得好主觀，好傷感情，既然係咁我寧願唔搞，無謂影響大家友情。」對於世榮亦將開騷，家強坦言不介意：「Beyond精神一直喺我哋身上，不論三個四個定係個人。」