梁政珏升cup 撼趙哲妤糕峰

趙哲妤（Uny）昨日為網站拍攝平面廣告，穿上超低胸婚紗的她突然升cup晒暴「乳」，惹來隆胸疑雲，Uny第一次着婚紗，由大會所揀：「我唔係想突圍，只係想增加吸引力，何紫綸都有教我點防走光。（露事業線出位？）我露晒事業線都冇咩睇，原本想畀莊思敏着呢條裙，佢叫我試吓着先， 我依加心跳好快，怕走光。」

否認隆胸

其後記者致電Uny問及隆胸疑雲，她否認說：「如果真係隆胸就應該勁啲，我用咗『缽仔糕』push up ，而且遺傳媽咪真傳，佢生完BB之後上圍勁過36D，我生完都應該可以。」Uny還自爆曾有中國整容公司找她做代言人，高達六位數，但為她拒絕：「我唔抗拒，不過自己好細膽。」

趙哲妤突然一露，令人眼前一亮。

梁政珏（左）一烏身即搶晒Alice B.「峰」頭。

有新戀情

至於咪神梁政珏性感拋胸出席大埔超級城舉辦之《新地百萬古扇珍藏展》活動，早前她到日本旅行發福不少，連上圍亦升了一cup，令性感上衣的拉鏈也拉不上，需要急換。對於早前被拍到與鬍鬚男在港親密逛街，她表示與對方是年頭認識：「係好朋友嘅朋友。（係咪追你？）佢幾成熟，如發展新戀情要由朋友開始。（攬住你？）我着高跟鞋，香港啲路又唔平跣一跣，佢紳士風度扶一扶我啫。」問到鬍鬚男是否傳聞中有「牛奶大王」之稱號，她以未了解背景不方便講。

另外，早前因掛念身在英國的病母而導致抑鬱的Alice B.，表示會聽歌令自己開心，又說沒有經濟問題。家人亦知她抑鬱，會全力支持，她亦會懂得處理問題。問到是否單身，她則不願多說。

文：名人組